აფხაზეთიდან დევნილმა გვარამიების 9 სულიანმა ოჯახმა პროკურატურასთან აქცია გამართა.

b_400_300_16777215_00_images_sainformacio_sazogadoeba_prokuratura23.jpgსამეგრელო-ზემო სვანეთის საოლქო პროკურატურათან საპროტესტო აქცია დღეს 9 სულიანმა ოჯახმა გამართა, რომლებსაც ბინიდან გამოსახლება ემუქრებათ. აფხაზეთიდან დევნილი მაკა გვარამიას თქმით, მათ ქუჯის ქუჩაზე ერთოთახიანი ბინა 20 წლის წინ შეიძინეს. წელიწად ნახევრის წინ კი ძველმა მეპატრონემ თეთრიკო აქუბარდიამ თაღლითური გზით, ვინმე როლანდ შონიას დახმარებით ბინა ისევ თავის სახელზე გადაიფორმა. დაზარალებულების განმარტებით, ბინის შიდა აზომვითი ნახაზი, რომელიც ძველმა მეპატრონემ საჯარო რეესტრში წარადგინა, გაყალბებული იყო, რადგან მათივე განცხადებით აზომვითი ნახაზი, მათ მეზობლად მდებარე, სხვა ბინას გაუკეთდა. დაზარალებულების განცხადებით, აღნშნულ საქმეზე სისხლის სამართლის საქმე აღძრული იყო, თუმცა ძიება მოულოდნელად შეწყდა. გვარამიების ოჯახის წევრები ეჭვობენ, რომ აღნიშნულ საქმეში სამეგრელო-ზემო სვანეთის მთავარი პროკურორი ვალერიანე იოსავაა გარეული, რადგან ოლქის პროკური და საქმეში გარეული შონია მათივე ვარაუდით ახლობლები არიან.აქციის მონაწილეებმა მოგვიანებით რეაგირება  ზუგდიდში  მოქმედი პოლიტიკური პარტიების მხრიდან მოითხოვეს.ისინი რამდენიმე პარტიას დაუკავშირდნენ თუმცა მათივე განმარტებით, დახმარების სურვილი მხოლოდ სამეგრელო-ზემო სანეთის სამხარეო ადმინისტრაციაში გამოთქვეს და მათთან გუბერნიის წარმომადგენელი მივიდა. სამეგრელო-ზემო სვანეთის საოლქო პროკურატურაში ზემოაღნიშნულ საქმეზე კომენტარს მედიასთნ  არ აკეთებენ. საოლქო პროკურატურასთან მიმდინარე საპროტესტო აქცია საღამოს  მას შემდეგ დასრულდა, რაც გვარამიების ოჯახი ზუგდიდის რაიონულ პროკურორ დიმიტრი ხვიტიას შეხვდა და მისგან დაპირება მიიღო, ამ ეტაპზე გამოსახლების პროცესის გადადების შესახებ. ორშაბათს ოჯახი და ადვოკატი, თანდილა ჯოლოგუა საქმის ოფიციალურ დოკუმენტებს მიიღებენ, სადაც გამოძიების მიმდინარეობას დეტალურად გაეცნობიან. ოჯახის წევრების თქმით, მათ დიმიტრი ხვიტიამ ურჩია სასამართლოსთვის მიემართათ, თუმცა ამ ეტაპზე მსგავსი ქმედებისგან თავს შეიკავებენ. ისინი ადვოკატთან ერთად ორშაბათს განცხადებას შეიტანენ პროკურატურაში, საქმის გამოძიების განახლების შესახებ, მოთხოვნის დაუკმაყოფილებლობის შემთხვევაში კი ოჯახის წევრების თქმით საპროტესტო აქციებს გააგრძელებენ.


Нравится